Cousas de primeiro

Bos días! Lembrades o tema do coidado e amor á natureza que traballamos en clase con aquelas imaxes de animais e do mundo natural e cos vosos debuxos? E o lema deste curso no Colexio? Quizais esta imaxe vos axude: Hoxe, Día Mundial do Medio Ambiente, imos retomar ese tema pero en sentido máis amplo, porque falar de medio ambiente abrangue moito máis que falar da natureza, de feito, o medio ambiente non só é o natural, tamén é o medio ambiente cultural. Este vídeo explícanos que significa medio ambiente: Que podemos facer nós para coidar o medio ambiente e coidar o noso planeta? Cales son esas actuacións locais ás que fai referencia o lema do curso que están nas nosas mans? Penso que todos e todas coñecedes a Regra dos 3 ERRES : REDUCIR: reducir o consumo, consumir de xeito racional. Necesito comprar isto? Ten un envoltorio excesivo? REUTILIZAR: darlle á máxima utilidade ás cousas, sen necesidade de tiralas tras un uso. Así producimos menos lixo e consum...

Bos días!  😊 No mes de xuño repasaremos algúns contidos de Relixión que traballamos na aula. Hoxe tócanos un que abordamos en todas as áreas e tamén nos recreos: axudar aos demais. Propóñovos ver estes dous vídeos, que tratan sobre unha das parábolas máis coñecidas: O bo samaritano. As parábolas son breves historias que Xesús contaba á xente que o seguía para ensinarlle e aparecen recollidas na Biblia. O primeiro vídeo resume a parábola nunha canción e fainos unha pregunta: Cal das persoas que se atopou co home ferido actuou de forma máis humana? É dicir, quen vos parece que actuou mellor? Por que? No segundo dos vídeos preséntase a parábola con máis detalle, pero a mensaxe é a mesma: Naquel deserto e naquela época non había teléfonos. Nós, ante unha emerxencia, debemos pedir axuda aos que nos rodean, a unha persoa adulta ou, se estamos sós e temos un teléfono, chamar a un destes números: 112 (emerxencias en xeral)      ...