Lingua Galega e Literatura: Día das Letras Galegas
Moi bos días!
Antes de nada, parabéns polos vosos
magníficos espantallos! Aquí podedes ler o poema que recitaron as vosas
compañeiras de 2º ESO:
Fernández, Ana
María (2016). Versos da tarde laranxa. Galaxia, Vigo, pp. 24-25.
Que facemos sempre no colexio polas Letras
Galegas? Hai unha tradición que nunca falta: cantar o Himno Galego. A letra do
noso himno pertence ao poema Os Pinos de Eduardo Pondal, ao que puxo música Pascual Veiga.
Aquí
tedes un vídeo coa letra para poder cantalo:
Ricardo Carballo Calero / Ricardo Carvalho Calero
Entre os textos Ricardo Carballo (Carvalho) Calero, escollín
un no que escribe sobre os galos. Pertence ao libro As pitas baixo a choiva, pensado para os máis cativos, no que conta o que lle pasou un día de
choiva cando tratou de meter ás galiñas no galiñeiro: acabou completamente
mollado.
Lede o texto e coloreade o galo:
* Cristas: a crista é a parte de carne que sobresae sobre
a cabeza dalgunhas aves.
Os galos e as galiñas son animais da granxa. No recadro aparecen
con eles outros catro animais de granxa. Localizádeos a todos na sopa de letras.
Se queredes facer un galo, como a mascota de Ricardo, podedes pintar cada unha das partes deste recortable, recortalas e despois pegalas
seguindo o modelo.
Por último, se queredes entretervos estes tres días que
non teremos clase, podedes facer actividades en liña sobre Ricardo Carvalho
Calero, déixovos aquí os enlaces para acceder ás propostas polo Seminario Galán para 1º de
Primaria:
Que
pasedes unha boa fin de semana das Letras Galegas!
Unha
aperta
A
mestra de Lingua
